ਅੰਤਰਰਾਸ਼ਟਰੀ ਸ਼ਤਰੰਜ ਮਹਾਸੰਘ (FIDE) ਨੇ ਐਲਾਨ ਕੀਤਾ ਹੈ ਕਿ ਮੌਜੂਦਾ ਚੈਂਪੀਅਨ ਡੀ. ਗੁਕੇਸ਼ ਅਤੇ ਚੈਲੇਂਜਰ ਜਾਵੋਖਿਰ ਸਿੰਦਾਰੋਵ ਵਿਚਕਾਰ ‘ਫਿਡੇ ਵਿਸ਼ਵ ਸ਼ਤਰੰਜ ਚੈਂਪੀਅਨਸ਼ਿਪ 2026’ ਦਾ ਮੁਕਾਬਲਾ 25 ਨਵੰਬਰ ਤੋਂ 15 ਦਸੰਬਰ ਤੱਕ ਜੇਨੇਵਾ, ਸਵਿਟਜ਼ਰਲੈਂਡ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਭਾਰਤ ਦੇ ਡੀ. ਗੁਕੇਸ਼ ਸਵਿਟਜ਼ਰਲੈਂਡ ਦੇ ਜੇਨੇਵਾ ਵਿੱਚ ਉਜ਼ਬੇਕਿਸਤਾਨ ਦੇ ਜਾਵੋਖਿਰ ਸਿੰਦਾਰੋਵ ਖ਼ਿਲਾਫ਼ ਆਪਣੇ ਵਿਸ਼ਵ ਸ਼ਤਰੰਜ ਚੈਂਪੀਅਨਸ਼ਿਪ ਖ਼ਿਤਾਬ ਦਾ ਬਚਾਅ ਕਰਨਗੇ।
ਇਹ ਇਤਿਹਾਸ ਦਾ ਸਭ ਤੋਂ ਘੱਟ ਉਮਰ ਦਾ ਵਿਸ਼ਵ ਚੈਂਪੀਅਨਸ਼ਿਪ ਮੁਕਾਬਲਾ ਹੋਵੇਗਾ, ਕਿਉਂਕਿ ਜਦੋਂ ਖੇਡ ਸ਼ੁਰੂ ਹੋਵੇਗੀ ਤਾਂ ਗੁਕੇਸ਼ ਅਤੇ ਸਿੰਦਾਰੋਵ ਦੋਵਾਂ ਦੀ ਉਮਰ 20 ਸਾਲ ਹੋਵੇਗੀ। ਇਹ ਵਿਸ਼ਵ ਸ਼ਤਰੰਜ ਵਿੱਚ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਨੂੰ ਵੀ ਦਰਸਾਉਂਦਾ ਹੈ, ਕਿਉਂਕਿ ਤਜਰਬੇਕਾਰ ਚੈਂਪੀਅਨਾਂ ਦੇ ਦੌਰ ਤੋਂ ਬਾਅਦ ਖੇਡ ਦੇ ਦੋ ਸਭ ਤੋਂ ਹੋਣਹਾਰ ਨੌਜਵਾਨ ਸਿਤਾਰੇ ਇਸ ਦੇ ਸਭ ਤੋਂ ਵੱਡੇ ਇਨਾਮ ਲਈ ਆਹਮੋ-ਸਾਹਮਣੇ ਹੋਣਗੇ।
ਇਹ ਵਿਸ਼ਵ ਚੈਂਪੀਅਨਸ਼ਿਪ 14 ਕਲਾਸੀਕਲ ਖੇਡਾਂ (ਕਲਾਸਿਕ ਗੇਮਜ਼) ਵਿੱਚ ਖੇਡੀ ਜਾਵੇਗੀ, ਅਤੇ ਸਭ ਤੋਂ ਪਹਿਲਾਂ 7.5 ਅੰਕ ਹਾਸਲ ਕਰਨ ਵਾਲੇ ਖਿਡਾਰੀ ਨੂੰ ਚੈਂਪੀਅਨ ਘੋਸ਼ਿਤ ਕੀਤਾ ਜਾਵੇਗਾ। ਜੇਕਰ ਕੋਈ ਵੀ ਖਿਡਾਰੀ ਉਸ ਅੰਕੜੇ ਤੱਕ ਨਹੀਂ ਪਹੁੰਚਦਾ ਅਤੇ ਸਕੋਰ 7-7 ਨਾਲ ਬਰਾਬਰ ਰਹਿੰਦਾ ਹੈ, ਤਾਂ ਖ਼ਿਤਾਬ ਦਾ ਫੈਸਲਾ ਟਾਈ-ਬ੍ਰੇਕ ਖੇਡਾਂ ਦੀ ਲੜੀ ਰਾਹੀਂ ਕੀਤਾ ਜਾਵੇਗਾ।
ਫਿਡੇ ਦੇ ਅੰਤਰਿਮ ਪ੍ਰਧਾਨ ਵਿਸ਼ਵਨਾਥਨ ਆਨੰਦ ਨੇ ਦੱਸਿਆ ਕਿ ਜੇਨੇਵਾ ਦੀ ਚੋਣ ਕਰਨ ਤੋਂ ਪਹਿਲਾਂ ਭਾਰਤ, ਅਮਰੀਕਾ ਅਤੇ ਸਾਈਪ੍ਰਸ ਸਮੇਤ ਕਈ ਦੇਸ਼ਾਂ ਨੇ ਇਸ ਵੱਡੇ ਸਮਾਗਮ ਦੀ ਮੇਜ਼ਬਾਨੀ ਵਿੱਚ ਦਿਲਚਸਪੀ ਦਿਖਾਈ ਸੀ।
#Gukesh #JavokhirSindarov #WorldChessChampionship #FIDEMatch2026 #Geneva2026 #DGukesh #ChessWorldChampion #FIDE #Chess #IndianChess #UzbekistanChess #YoungestWorldChampionship #ViswanathanAnand #Grandmaster #ChessNews #Gukesh #JavokhirSindarov #WorldChessChampionship #FIDEMatch2026 #Geneva2026 #DGukesh #Chess#IndianChess #FIDE #ChessNews #Grandmaster
